काभ्रेको महाभारत गाउँपालिकाको बेरुजु शून्य

बार्दली /आर्थिक वर्ष २०८०/०८१को लेखा परीक्षणमा काभ्रेको महाभारत गाउँपालिकाको बेरुजु शून्य रहेको छ । बुधवार महालेखापरीक्षकको कार्यालयले सार्वजनिक गरेको ६२औँ वार्षिक प्रतिवेदनमा महाभारत गाउँपालिकाको बेरुजु शून्य रहेको हो । प्रतिवेदनअनुसार काभ्रेपलाञ्चोक जिल्लाको महाभारत गाउँपालिकाको बेरुजु शून्य रहेको छ । आर्थिक बर्ष ०८०/०८१ मा एक अर्ब २७ करोड ९४ लाख ५५ हजारको लेखापरीक्षण गरेकोमा बेरुजु शुन्य भएको हो । प्रतिवेदन अनुसार महाभारत गाउँपालिका पछि मन्डनदेउपुर नगरपालिका कम बेरुजुमा परेको छ भने धुलिखेल नगरपालिका तेस्रो स्थानमा रहेको छ । मण्डनदेउपुर नगरपालिकाको बेरुजु प्रतिशत ० दशलव ०९ प्रतिशतरहेको छ । आर्थिक बर्ष ०८०÷०८१ मा एक अर्ब ७८ करोड ५ लाख १८ हजारको लेखापरीक्षण गरेकोमा १६ लाख ६९ हजार बेरुजु रहेको छ ।
धुलिखेल नगरपालिकाको ० दशमलव २५ प्रतिशत अर्थात ४४ लाख ३२ हजार बेरुजु, पनौती नगरपालिकाको ० दशमलव ३९ प्रतिशत अर्थात एक करोड ४ लाख ९९ हजार, भुम्लु गाउँपालिकाको ० दशमलव ८६ प्रतिशत अर्थात एक करोड २२ लाख ७ हजार, चौरी देउराली गाउँपालिकाको १ प्रतिशत अर्थात एक करोड ३५ लाख ७४ हजार, तेमाल गाउँपालिकाको १ दशमलव १२ प्रतिशत अर्थात एक करोड ४१ लाख ३१ हजार बेरुजु रहेको छ ।
प्रतिवेदन अनुसार पाँचखाल नगरपालिकाको १ दशमलव ३५ प्रतिशत अर्थात २ करोड ३५ लाख ७७हजार, बेथानचोक गाउँपालिका १ दशमलव ७५ प्रतिशत अर्थात २ करोड ४६ लाख १० हजार, रोशी गाउँपालिकाको २ दशमलव २० प्रतिशत अर्थात ३ करोड ८१ लाख ४ हजार, बनेपा नगरपालिकाको २ दशमलव २२ प्रतिशत अर्थात ५ करोड ९४ लाख ६३ हजार र नमोबुद्ध नगरपालिकाको २ दशमलव ६० प्रतिशत अर्थात ४ करोड ४९ लाख १८ हजार बेरुजु देखाएको छ । प्रतिशतको आधारमा जिल्लामा सबैभन्दा बढी बेरुजु खानी खोला गाउँपालिकाको रहेको छ । उक्त गाउँपालिकाको एक अर्ब २ करोड ७६ लाख ३६ हजारको लेखा परीक्षण गरेकोमा चार करोड ६१ लाख ५० हजार बेरुजु भएको छ । महालेखापरीक्षको प्रतिवेदनअनुसार ४ दशमलव ४९ प्रतिशत बेरुजु भएको हो ।